Балаева Азамат Омаровтың ұсталуына қатысты пікір білдірді
Желіде «жоғары лауазымды шенеуніктерді әжуалағаны үшін ұсталды» деген пікірлер тарап жатыр.
Премьер-министрдің орынбасары – мәдениет және ақпарат министрі Аида Балаева YouTube-тегі «Ахуал сегодня» арнасының авторы Азамат Омаровтың ұсталуына қатысты пікір білдіріп, Қазақстанда сатира мен әзіл үшін жауапкершілік көзделмегенін, алайда араздықты қоздыру белгілері анықталған жағдайда заң алдында жауап беру міндетті екенін айтты, деп хабарлайды Oimaqnews.kz Ulysmedia.kz.сайтына сілтеме жасап.
Министрдің сөзінше, әлеуметтік желілерде Омаровтың «жоғары лауазымды шенеуніктерді әжуалағаны үшін ұсталды» деген пікірлер тарап жатыр.
Сонымен қатар министр Қылмыстық кодекстің 174-бабында әлеуметтік, ұлттық, рулық, нәсілдік, тектік-топтық немесе діни алауыздықты қоздырғаны үшін жауапкершілік қарастырылғанын еске салды.