Бастауыш сыныптан жиынтық бағалау мен тоқсандық бағалауды алып тастауы мүмкін
Бұл туралы Қазақстан Республикасының Оқу-ағарту министрі Жұлдыз Сүлейменова мәлімдеді.
Қазақстанда бастауыш сыныптарда бөлім бойынша жиынтық бағалау (БЖБ) мен тоқсандық жиынтық бағалауды (ТЖБ) алып тастау мәселесі қарастырылып жатыр. Бұл туралы Қазақстан Республикасының Оқу-ағарту министрі Жұлдыз Сүлейменова мәлімдеді.
Министрдің айтуынша, түпкілікті шешім тамыз кеңесінде қабылдануы мүмкін.
Жұлдыз Сүлейменованың сөзінше, бұл бастама қоғамда қолдау тауып, қызу талқыланып жатыр.
Оның айтуынша, министрлік бастауыштағы бағалау жүйесіне қатысты халықаралық тәжірибені жан-жақты зерделеп жатыр.
Министр бұл кезеңде оқушыларды жиі бағалаудан гөрі олардың оқуға деген ынтасын арттыру маңызды екенін айтты.
Жұлдыз Сүлейменованың айтуынша, ұсыныстың тағы бір мақсаты – мұғалімдердің жүктемесін азайту.
Министр қазіргі уақытта бастауыш сыныптардағы БЖБ мен ТЖБ-ны алып тастау мәселесі жан-жақты талқыланып жатқанын атап өтті.