Бүгін – Қазақстан полициясы күні
Бұл мереке 2007 жылы белгіленген және жыл сайын 23 маусымда аталып өтеді7
1992 жылы 23 маусымда Қазақстан Республикасы Жоғарғы Кеңесі «Қазақстан Республикасы ішкі істер органдары туралы» Заңды қабылдаған болатын.
Бұл Тәуелсіз Қазақстан Республикасы полициясының қызметі мен міндетін анықтайтын алғашқы құқықтық акт болды.
Ал 2007 жылы 5 маусым күні Президент Жарлығымен 23 маусым Полиция күні деп бекітілді.
Қоғамдағы құқықтық тәртіп, азаматтардың қауіпсіздігін қамтамасыз етуде Қазақстан полициясы елімізде аса маңызды рөл атқарады.
Полицейлердің біліктілігі мен мамандығына адалдығы, сертіне беріктігінің арқасында қоғамда тұрақтылық қалыптасып, адамдардың құқық қорғау органдарына сенімі арта бермек.