Ресейлік журналист Шайдоровтың жалақы дауына қатысты пікір білдірді
Бұл туралы "Чемпионат" басылымына жариялаған.
Ресейлік "Чемпионат" басылымының журналисі Анастасия Рацкевич қазақстандық мәнерлеп сырғанаушы Михаил Шайдоровтың айналасындағы жағдайға қатысты пікір білдірді, деп хабарлайды Oimaqnews.kz Arasha.kz. сайтына сілтеме жасап.
Журналистің айтуынша, бұл мәселе қоғамда үлкен резонанс тудырғандықтан, мемлекеттік құрылым өкілдері оны тезірек шешуге тырысуы мүмкін.
Рацкевич тараптар бәріне тиімді болатын жаңа келісімге келе алады деп үміттенетінін жеткізді. Оның сөзінше, ең бастысы – Михаилдың мансабын алаңсыз жалғастыруына мүмкіндік беру.
Айта кетейік, бұған дейін Михаил Шайдоров журналист Тимур Балымбетовке берген сұхбатында ақпан айынан бері ҚР Спорт министрлігінен өзіне тиесілі жалақыны және маусымға дайындықты ұйымдастыруға уәде етілген төлемдерді ала алмай жүргенін айтқан болатын.