Атыраудағы қайғылы оқиғаға байланысты айыпталып отырған Сұлтан Сәрсемәлиевтің әкесі Самиғолла Сәрсемәлиев журналистерге қысқаша пікір білдірді, деп хабарлайды Oimaqnews.kz 

Оның айтуынша, ол ұлымен арнайы ұйымдастырылған кездесу кезінде ғана жүздескен. Алайда әке мен бала арасындағы әңгіме ұзаққа созылмаған.

Самиғолла Сәрсемәлиев кездесудің небәрі бес минутқа жалғасқанын айтты. Сол сәттегі толқыныстан не айтқанын да анық есіне түсіре алмайтынын жеткізді.

– Көрдік. Кездесу ұйымдастырды. Кіріп шықтық, болды. Бар болғаны бес минут қана. Айтатын сөз де болмады. Не айтып, не қойғанымыз есімде жоқ. Сөйлей де алмай қалдым. Әзірге ештеңе белгісіз. Сот болған жоқ, – деді ол.

Айыпталушының әкесі қазіргі уақытта нақты қорытынды жасауға ерте екенін айтып, сот процесі әлі басталмағанын атап өтті.