Мұғалімдерді қуантқан жаңалық: Мәжіліс мақұлдаған заң жобасы Сенатқа кетті
Бұл заң мұғалім мәртебесін және кәсіби шекарасын түсінуге жасалған маңызды қадам.
Енді мұғалімдер оқушылар үшін оқу процесі кезінде ғана жауапты. Күні кеше Мәжіліс мақұлдаған заң жобасы Сенатқа кетті. Түзетулер арқылы баланың өмірі, денсаулығы мен қауіпсіздігі үшін ата-аналардың жауапкершілігі күшейтіліп отыр, деп хабарлайды Oimaqnews.kz inbusiness.kz сайтына сілтеме жасап.
Депутаттар заң жобасы арқылы педагог мәртебесі нақты қорғалатынына сенім білдірді. Себебі бұл өзгеріс ұстаздарға артық міндет жүктемеуге және олардың негізгі қызметіне назар аударуына мүмкіндік береді.
Мәжіліс депутаты Асхат Аймағамбетов бұл мұғалімдер үшін өте жақсы жаңалық деп отыр. Айтуынша, заң екі оқылымнан өтіп, Сенатқа жіберілді.
Құжатта бюрократиялық мәселелер де шешімін тапқан көрінеді. Енді есептілікті бір мезгілде қағаз әрі электрондық форматта жүргізуге тыйым салынады. Асхат Аймағамбетов қазір цифрландыру заманы екенін еске салды.
Мәжіліс қабырғасында қабылданған құжатқа ұстаздар қауымы оң пікір білдіріп отыр.