Үкіметтегі брифингте ол холдинг қызметкерлері жұмыссыз отыр немесе уақытын «шай-кофе ішумен өткізеді» деген пікірмен келіспейтінін айтты.

«Біздің адамдар үнемі жұмыста, кейде артық жұмыс та болады. Қызметкерлер бір жерде кофе ішіп, бос әңгіме айтып отырады дегенді көрген емеспін», - деді Қарағойшин.

Оның айтуынша, өзі де көбіне кеңседе болады және серіктестерді жұмыс орындарында қабылдайды. Холдинг жұмысының нәтижелілігін қаржылық көрсеткіштердің өсуімен байланыстырды, олар 2023 жылмен салыстырғанда шамамен үш есеге артқан.

Еске салайық, бұған дейін Президент Тоқаев кеңейтілген үкімет отырысында ұлттық компанияларда «шай-кофе ішіп, жұмыссыз отырған» артық басқарушы кадрлар бар екенін айтып, олардың құрылымын қайта қарауды тапсырған еді.