2025 жылы елге «ыстық ақша» деп аталатын — жылдам пайда табу мақсатында салынған қаражат ағыны құйылған мемлекеттердің қатарына Қазақстан да кірді. Алайда бұл үрдіс жақын уақытта өзгеруі мүмкін, деп хабарлайды Reuters-ке сілтеме жасап Oimaqnews.kz.

Экономикалық журналист Джон Синдрюдің айтуынша, өткен жылы қысқа мерзімді пайда көздеген инвесторлар дамушы елдер мен шекаралық экономикалардың бағалы қағаздарына жаппай қаржы сала бастады. Резидент емес азаматтар үшін облигациялары тартымды болған мемлекеттердің арасында  Қазақстан да бар.

Шетелдік инвесторлардың жаппай келуі ұлттық валютаның бағамын күрт нығайтуы мүмкін (мысалы, 2025 жылдың соңында, базалық мөлшерлеме көтерілгеннен кейін теңгенің күшейгені секілді). Алайда бұл босаңсуға себеп емес. «Ыстық ақша» нарыққа қалай кенеттен кірсе, дәл солай күтпеген жерден кетіп қалады. Сарапшының айтуынша, Қазақстан (Пәкістан және Сербиямен бірге) дәл осы тәуекелдерге қарсы сақтану үшін алтын-валюта резервтерін бекер өсіріп жатқан жоқ.

Экономистер Қазақстан экономикасы мен ақша нарығында мұндай қысқа мерзімді қаржылық ағымдарға байланысты теңгенің тұрақсыздығы артуы мүмкін екенін айтады. Егер инвесторлар күтпеген жағдайда қаржыны қайта шығарып алуды шешсе, ұлттық валютаның бағамы қысқа уақыт ішінде едәуір әлсіреуі мүмкін.

Теңгенің тұрақсыздығы елдегі инфляция деңгейіне, импорттық тауарлардың бағасына және экономикалық белсенділікке де әсер етуі мүмкін. Бұл тұрғыда Ұлттық банк пен Үкіметтің валюталық резервтерді басқару және нарықты тұрақтандыру шаралары шешуші рөл атқарады.