Қазақстанда Roblox бұғатталуы мүмкін бе?
Елімізде танымал Roblox ойынына қатысты жаңа дау басталды.
Мәжіліс депутаты Үнзила Шапақ Премьер-Министрдің орынбасары – ЖИ және цифрлық даму министрі Жаслан Мадиевке ресми сауал жолдады, деп хабарлайды Oimaqnews.kz. Депутаттың сөзінше, Roblox-тың 150 миллионнан астам күнделікті қолданушысы бар, олардың басым бөлігі – балалар мен жасөспірімдер.
Ал ата-аналар мен педагогтер платформаның виртуалды тәуелділік, агрессия, өмірден ажырау және жасына сай емес контент сияқты қауіптер төндіруі мүмкін деп алаңдайды. Сонымен бірге, ашық деректерде платформада педофилдер мен алаяқтар әрекет етуі мүмкін деген ақпарат айтылады. Осы себепті Roblox Түркия, Катар, Ресей, Қытай секілді елдерде бұғатталған.
Қазақстанда әзірге ойынға тыйым салу жоспары жоқ. Министрлік бұған дейін Roblox-ты бұғаттау мәселесі қаралмағанын мәлімдеген.
Психолог: «Қауіп Roblox-тан емес, тәрбие жоқ жерде туады»
Oimaqnews.kz тілшісі бұл мәселеге қатысты психолог Амангелді Мейрамбекұлынан пікір алды.
Ол Roblox-тан трагедия жасаудың қажеті жоқ деп санайды:
Психологтың ойынша, басты қауіп ойыннан емес, баланы бақылаусыз қалдырудан туады:
Маман бала қауіпсіздігін қамтамасыз етудің басты құралы – ата-анамен қарым-қатынас екенін айтады:
Сондай-ақ ол көп жағдайда алаяқтардың арбауына балалар емес ересектер түсіп жатқанын жеткізді. Әсіресе, әлеуметтік желідегі коуч-тренерлердің артынан еріп, курс сатып алып миллиондаған қарызға кіріп, алданып жатқан ересектердің жайына маман ретінде алаңдаушылық білдіретінін айтты.