"Қабырғалары, мұрны сынғаны анықталған": әкесін аяусыз соққыға жыққан ер адамға қатысты сот басталды
Көп ұзамай күдікті әйелімен бірге қамауға алынды.
Түркістан облысында әкесін аяусыз соққыға жыққан ер адамға қатысты сот басталды, деп хабарлайды Oimaqnews.kz Almaty.tv-ға сілтеме жасап.
41 жастағы Алмас Садақбаевқа дәрменсіз күйде болған қарт әкесін "азаптады", сондай-ақ "денсаулығына қасақана орташа ауырлықтағы зиян келтірді" деген айып тағылып отыр.
Сотта Қоссейіт ауылдық округінің әкімі Нұрбол Жайнар да куәлік берді. Ол видеоны айыпталушының әкесі қайтыс болғаннан кейін ғана көргенін айтты. Әкім оны әңгімеге шақырып, кездесуге учаскелік полиция қызметкерін де шақырған. Алайда Садақбаев әкесіне қорлық көрсеткенін жоққа шығарыпты.
Еске салайық, өткен жылдың қыркүйегінде Түркістан облысында ер адамның әкесін аяусыз қорлап, балағаттап, ұрып-соққан видеосы тараған еді. Көп ұзамай күдікті әйелімен бірге қамауға алынды.