"Әкесінің қасына жерленді": Мәскеу облысында көз жұмған оқушының денесі Тәжікстанда жер қойнына тапсырылды
Мәскеу облысындағы мектепте кісі қолынан қаза тапты делінген оқушының денесі Тәжікстанға жеткізілді, ел халқы баланы ақтық сапарға шығарып салды. Марқұм оқушы әкесінің қасына жерленген.
Мәскеу облысының балалар құқықтары жөніндегі комиссары Ксения Мишонова баланың денесі Мәскеуден Тәжікстанға жеткізілгенін хабарлады.
"Одинцоводағы жантүршігерлік жағдайдан әлі ес жимадық. Бұл жайтты әлі ой елегінен өткізіп, қайта қарап, тағы да ащы болса да қорытынды жасау керек. Бала әкесінің қасына жерленеді. Ол жауынгер секілді көз жұмды, өлімнің көзіне тіке қарады. Жас кісі өлтірушінің сұрағына шынайы жауап беруден қорықпады.
Анамның ағасы осындай қиын кезеңде көңіл айтқан, көмектескен, қатысқан және отбасына қамқорлық жасаған баршаға алғысын жеткізуімді сұрады", - деп жазды Мишонова.