Павлодар облысында жасөспірімді зорлаған ер адам сотталды
Күдіктіні сот 20 жылға бас бостандығынан айырды
Павлодар облысында кәмелет жасына толмаған баланы зорлаған ер адам 20 жылға бас бостандығынан айырылды, деп хабарлайды Oimaqnews.kz turkystan.kz.сайтына сілтеме жасап.
Іс облыстық қылмыстық сотта қаралды. Жәбірленушінің дәрменсіздігін пайдаланып, кәмелетке толмағанды зорлау бойынша азамат М.-ға қатысты қылмыстық іс қаралды. Іс жабық сот отырысында қаралды. Себебі оның мән-жайы жария етуге жатпайды.
Сотталушының кінәсі кәмелетке толмаған жәбірленушінің айғақтарымен, куәгерлермен, сот-медициналық сараптама қорытындыларымен және сот процесінде зерттелген басқа да дәлелдемелермен дәлелденді. Қылмыс аса ауыр болғандықтан, 20 жылға дейін бас бостандығынан айыру немесе өмір бойы бас бостандығынан айыру жазасын көздейді.
Барлық мән-жайлар ескеріліп, сот М.-ға педагогикалық лауазымдарды және кәмелетке толмағандармен жұмыс істеуге байланысты лауазымдарды атқаруға өмір бойы тыйым салды. Сондай-ақ күдіктіні 20 жылға бас бостандығынан айырды.
Сотталған адам жазасын орташа қауіпсіздіктегі түзеу мекемесінде өтейді. Сот үкімі заңды күшіне енген жоқ.