Ақтөбе облысында ірі жол апаты болды
Тағы бес адам түрлі дене жарақаттарымен ауруханаға жеткізілді.
Ақтөбе облысындағы Белқопа ауылы маңында Самара – Шымкент бағыты бойынша ірі жол апаты тіркелді, деп хабарлайды Oimaqnews.kz облыстық полиция департаментіне сілтеме жасап.
Алдын ала деректерге сәйкес, DAF маркалы жүк көлігі мен «ГАЗель» шағын автобусы соқтығысқан. Қатты соққының салдарынан екі көліктің жүргізушісі және «ГАЗельдің» 10 жолаушысы оқиға орнында қаза тапқан.
Тағы бес адам түрлі дене жарақаттарымен ауруханаға жеткізілді.
Полицияның мәліметінше, жүк көлігі қарсы бағыттағы жолаққа шыққан болуы мүмкін.
Қазіргі уақытта жол апатының себебі мен мән-жайын анықтау үшін тергеу амалдары жүргізіліп жатыр.