Тергеу дерегінше, олардың әрекетінен 141 миллион теңгеден астам шығын келген, деп хабарлады ҚР ІІМ баспасөз қызметі. 

Киберқылмыспен күрескен полиция қызметкерлері бұл топтың интернет арқылы жасалған тоғыз алаяқтық оқиғаға қатысы барын анықтады.

Қолға түскендер: топ басшысы – дроптардан банктік карталар алып, ақша шешуді бақылаған; екі көмекшісі – дроптарды іздеп, тартып отырған; тағы бір адам – ақшаны ұйымдастырушыға жеткізіп берген.

Қазір сотқа дейінгі тергеу жүріп жатыр. Полицейлер ұсталғандардың басқа қылмыстарға да қатысы болуы мүмкін екенін тексеруде.

Бұл операция қала прокуратурасының бақылауымен өтті. Полиция еске салды: 16 қыркүйектен бастап Қазақстанда банктік шоттарға заңсыз қолжеткізу, төлем құралдарын заңсыз беру немесе сатып алу, сондай-ақ рұқсатсыз ақша аудару қылмыс болып саналады.