Алакөл маңында жер сілкінді
Жерасты дүмпулерінің магнитудасы 3,7 құрады.
Жетісу облысында Алакөл көліне жақын маңда жер сілкінді, - деп хабарлайды Oimaqnews.kz turkystan.kz сайтына сілтеме жасап.
Еуропалық-Жерорта теңізі сейсмологиялық орталығының мәліметінше, магнитудасы 3,8 жер сілкінісі шілденің 24-і күні Астана уақыты бойынша 08:47-де Сарқан қаласынан солтүстік-шығысқа қарай 124 шақырым қашықтықта тіркелді.
Қазақстандық деректер орталығының жедел мәліметтеріне сәйкес, жер сілкінісі Үшарал қаласынан оңтүстік-шығысқа қарай 27 шақырым жерде болды. Жерасты дүмпулерінің магнитудасы 3,7 құрады.
Еске сала кетейік, 23 шілдеде Қазақстанның шығысында жер сілкінді. Абай облысы мен Шығыс Қазақстан облысының тұрғындары 4 балдық жерасты дүмпулерін сезді.