Абай облысы әкімінің орынбасары қызметінен кетті
Бұл туралы ол әлеуметтік желідегі парақшасында жазды
Қуаныш Сүлейменов Абай облысы әкімінің орынбасары қызметінен кетті. Бұл туралы ол әлеуметтік желідегі парақшасында жазды, деп хабарлайды Oimaqnews.kz turkystan.kz.сайтына сілтеме жасап.
Сүлейменовтің айтуынша, ол мемлекеттік қызметтегі жұмысын өз еркімен кеткен. Өз үндеуінде ол әріптестеріне, басшылыққа және өңір тұрғындарына сенім білдіргені үшін алғыс айтып, үш жыл ішінде құнды тәжірибе жинағанын және әрдайым адал әрі жауапкершілікпен жұмыс істеуге тырысқанын атап өтті.
– Маған жаңа облыстың алғашқы мемлекеттік қызметшісі және мәслихат төрағасы болу мәртебесі бұйырды. Өңірдің қалыптасуына үлес қосуға мүмкіндік берілгеніне ризамын, – деп жазды ол.
Қуаныш Серказинұлы Сүлейменов Абай облысы әкімінің орынбасары қызметіне 2024 жылдың желтоқсанында тағайындалған еді. Бұған дейін ол өңірлік мәслихаттың төрағасы қызметін атқарып, «AMANAT» партиясының облыстық филиалына қоғамдық негізде жетекшілік еткен.
Бұған дейін ол 15 жылдан астам уақыт кәсіпкерлікпен айналысып, «Шалабай» ЖШС-ін басқарған. Сондай-ақ, Жарма ауданы Шалабай ауылындағы орта мектепте директор және әскери жетекші болып жұмыс істеген.
1973 жылдың 14 қыркүйегінде бұрынғы Семей облысының Жарма ауданы, Шар қаласында дүниеге келген. «Тарих», «Құқықтану» және «Мал шаруашылығы өнімдерін өндіру технологиясы» мамандықтары бойынша бірнеше жоғары білімі бар. Техника ғылымдарының магистрі.