2025 жылғы 1 шілдеде бұрынғы еңбек және әлеуметтік қорғау бірінші вице-министрі Ақмәди Сарбасовтың ұсталғаны белгілі болды, деп хабарлайды Oimaqnews.kz  Qaz365.kz. сайтына сілтеме жасап.

Ол 2025 жылдың 9 сәуірінен бастап ҚР Еңбек және халықты әлеуметтік қорғау министрлігіне қарасты «Еңбек ресурстарын дамыту орталығы» АҚ президенті қызметін атқарған.

Министрліктің баспасөз қызметі Сарбасовтың ұсталғанын растады. Ведомство тергеу органдарымен заң аясында бірлесе жұмыс жүргізіп жатқанын мәлімдеді. Ал тергеу барысы туралы толық ақпаратты тек уәкілетті органдар береді делінген ресми хабарламада.