Батыс Қазақстан облысының әкімі Нариман Төреғалиев өрттен 5 баласы қаза тапқан отбасына барды, деп хабарлайды Oimaqnews.kz  turkystan.kz.сайтына сілтеме жасап.

Нариман Төреғалиев Сырым ауданының Жымпиты ауылына барып, қайғылы оқиға салдарынан қаза тапқан балалардың отбасына көңіл айтты.

Бұған дейін айтылғандай, облыс әкімдігі жерлеу рәсімін ұйымдастыруға және отбасыға қажетті басқа да көмектерді көрсетуге қолдау білдіреді. Сонымен қатар қайғыдан қан жұтқан отбасыға үй берілетіні туралы да хабарланған болатын.

Еске сала кетейік, 4 маусым күні сағат 15:00 шамасында Батыс Қазақстан облысы Сырым ауданы Жымпиты ауылында болған өрт салдарынан бір отбасының бес баласы қаза тапты. Алдын ала мәлімет бойынша, өрт кезінде балалар үйде үлкендердің қарауынсыз қалған. Өрт шамамен 30 шаршы метрді шарпыған, үйдің ішінде тұрмыстық заттар мен жиһаз жанған.