"Халық әртісі" атанған Әлішер Кәрімов мәлімдеме жасады
Ол өз тыңдармандарына алғысын жеткізді.
21 мамыр елімізде мәдениет және өнер қызметкерлері күні болды. Осы мерекеге орай, бір топ өнер азаматтары марапатталды. Президенттің қолынан «ҚР Халық әртісі» атағын алған Әлішер Кәрімов әлеуметтік желіде көп сынға ұшырады. Дегенмен әнші өзін қолдайтындарға бір ауыз алғысын білдірді, деп хабарлайды Oimaqnews.kz Qaz365.kz. сайтына сілтеме жасап.
Ол бұл атақты алғанына қатты мақтанатынын айтып, өзі үшін тарихи күн туғанын жазып отыр.
Бүгін мен үшін тарихи күн – маған «Қазақстанның Халық әртісі» атағы берілді! Осы жоғары марапатты Президентіміздің қолынан алу мен үшін үлкен мәртебе. Бұл марапат, мені қолдаған барша тыңдармандарымның және жанашырларымның арқасы деп білемін, - деп жазды Әлішер Кәрімов.