Мемлекет басшысы Рим Папасын құттықтады
Президент Рим Папасы XIV Левті Қазақстан халқының атынан құттықтады.
Президент Қасым-Жомарт Тоқаев Рим Папасы XIV Левті Қазақстан халқының атынан құттықтады.
– Сізді Киелі Тақ иесі етіп сайлау арқылы Католик шіркеуі халықаралық ахуал күрделі кезеңде бейбітшілік пен тұрақтылықты дәріптеу ісінде маңызды рөл атқара беретініне сенімдімін, – деп жазылған жеделхатта.
Президент әртүрлі діни-наным өкілдері мекен ететін Қазақстанға Рим Папасы екі рет сапармен келгеніне назар аударып, халықтар достығын, дінаралық сенім мен ынтымақты нығайтуға бағытталған ортақ күш-жігерді еліміздің әрдайым қолдайтынын жеткізді.