Перизат Қайрат ісі: келтірілген шығын 3,5 млрд болған

Қаржылық мониторинг агенттігі  Перизат Қайраттың әрекеттерінен келген түпкілікті залалдың сомасын атады, деп хабарлайды Oimaqnews.kz  Qaz365.kz. сайтына сілтеме жасап.

ҚМА төраға орынбасары Жеңіс Елемесовтің айтуынша, залалдың жалпы сомасы 3,5 млрд теңге болған. Қазір қылмыстық іс аяқталды, қазір қылмыстық іс материалдарымен танысу кезеңі жүріп жатыр.  

Күдіктінің мүлкінің тағдырын сот шешеді – ол жәбірленушілерге келтірілген шығынды өтеуге бағытталуы мүмкін.  

Жеңіс Елемесовтің айтуынша, Перизат Қайраттан бөлек, оның анасы да күдікті ретінде танылған.  

Анасы ақшаны жылыстатуға көмектескен. Яғни Перизат қаржысының бір бөлігін анасының шотына жіберіп отырған. Ал ол кісі сол ақшаға үй, көлік сатып алып, гүл сататын дүкен ашқан, - деді ол.

Айта кетейік, Перизат Қайрат көктемгі су тасқынынан зардап шеккен азаматтарға көмек ретінде және Палестина тұрғындарына гуманитарлық көмекке жиналған 1,7 млрд теңгеден астам қаржыны жымқырды деп күдікке ілінді.