Көкшетауда азаматтық қорғау академиясының офицері көз жұмды
2 сәуірде оқытушының денесі жұмыс орнының ғимаратында табылды
Көкшетаудағы Мәлік Ғабдуллин атындағы азаматтық қорғау академиясының 23 жастағы офицері әрі оқытушысы көз жұмды, деп хабарлайды Oimaqnews.kz inbusiness.kz сайтына сілтеме жасап.
Ақмола облыстық полиция департаментінің мәліметінше, 2 сәуірде оқытушының денесі жұмыс орнының ғимаратында табылды. Бұл дерек бойынша қылмыстық іс тіркелді.
"Алдын ала түскен мәліметке сәйкес, ол суицид жасаған. Қылмыстық іс тіркелді. Оқиғаның мән-жайы анықталып жатыр", - делінген хабарламада.
Азаматтық қорғау академиясы оқиға бойынша тергеу жұмыстарын жүргізіп жатыр. Академияның баспасөз қызметінің хабарлауынша, болған оқиға оқытушының кәсіби қызметіне байланысты емес.