Фристайл-акробатикадан Қазақстан әйелдер құрамасы Харбиндегі 2025 жылғы Азия ойындарының қола жүлдегері атанды, – деп хабарлайды Oimaqnews.kz Aikyn.kz. 

Аяна Жолдас пен Ардана Маханова синхронды секіруде үшінші нәтиже көрсетті.

Бірінші орынды Қытай құрамасы иеленді. Екінші орынға да қытайлық спортшылар жайғасты.

Осылайша, фристайл-акробатикадан Қазақстан құрамасының еншісінде үш медаль бар. Бұған дейін Аяна Жолдас жекелей сында қола жүлде алса, аралас команда күміс медаль жеңіп алған болатын.

Сондай-ақ тарихи сәт: фристайл-акробатикадан Ұлттық құрама тарихи алтын медаль жеңіп алды. 

Фристайл-акробатикадан ерлер құрамасы топ жарды. Команда санында Шерзод Хаширбаев пен Роман Иванов өнер көрсетті.