Астана мен Алматыда доллар қаншадан сатылып жатыр?
Астана мен Алматыдағы ақша айырбастау орындарында доллардың сату бағамы 453–454 теңге шамасында қалыптасты. Бұл туралы Oimaqnews порталы Kurs.kz деректеріне сүйеніп хабарлады.
Астанада доллар орта есеппен 447,14 теңгеден сатып алынып, 454,14 теңгеден сатылып жатыр. Еуроны сатып алу бағамы — 500,13 теңге, сату бағамы — 510,13 теңге. Рубль 5,20 теңгеден қабылданып, 5,40 теңгеден ұсынылуда. Ал юаньның сатып алу құны — 66,27 теңге, сату құны — 70,30 теңге.
Алматыда долларды сатып алу бағамы 451,38 теңге, сату бағамы 453,70 теңге болды. Еуро 502,08 теңгеден сатып алынып, 506,53 теңгеден сатылуда. Рубльдің сатып алу және сату бағамы тиісінше 5,18 және 5,29 теңгені, юаньдікі 67,18 және 69,91 теңгені құрады.
14 қазандағы күндізгі биржалық сауда қорытындысында доллардың орташа бағамы 2,14 теңгеге өсіп, 450,62 теңгеге жеткен.