"Айканың тізімі": Алматыда "жеңгетайға" сот үкімі шықты

Қылмыстық іс Әуезов аудандық сотында қаралды. Айка Мырзахметоваға аса ірі көлемде есірткі сақтады және заңсыз айналысты деген айып тағылды.

Сотта Мырзахметованың мефедронды сақтап, өзімен бірге заңсыз тасымалдағаны анықталды. Сонымен қатар, үш жыл бойы ол ақша үшін жыныстық қызмет көрсетуге дайын модель қыздарды таңдап, элиталық эскорт қыздар желісін ұйымдастырушы болды. Айка бай клиенттерді іздеген. Бұл әрекеті үшін  пайызын алып отырған. Ол ақшаны өзі немесе делдал арқылы жинаған. Айтқандай, делдал да сотталды. 

Мырзахметова толық болмаса да, кінәсін  мойындады. Нәтижесінде ол алты жарым жылға бас бостандығынан айырылды. Сотта өкінгені, қылмысты ашуға көмектескені және кішкентай баласының бар екені де ескерілді.