Juzmedia басылымының журналисі мен редакторына қатысты соталды тергеу жүргізіліп жатыр. Бұл ақпаратты Ұлттық қауіпсіздік комитеті растады,  деп хабарлайды Oimaqnews.kz Qaz365.kz. сайтына сілтеме жасап.

Ulysmedia.kz мәліметінше, редакцияға Juzmedia-ның екі қызметкері бопсалау күдігіне байланысты ұсталғаны туралы ақпарат түскен. Алдын ала дерек бойынша, олардың бірі қылмыс үстінде қолға түскен болуы мүмкін. Алайда бұл жайттың егжей-тегжейін ҰҚК әзірге жариялаған жоқ.

Осыған байланысты Ulysmedia.kz ҰҚК-ге ресми сауал жолдап, журналист пен редактордың ұсталған-ұсталмағанын және соталды тергеудің нақты қай бап бойынша жүргізіліп жатқанын сұраған.

Комитет соталды тергеу жүріп жатқанын растағанымен, қосымша ақпарат бермеген.

«Соталды тергеу жүргізіліп жатқанын хабарлаймыз. Қылмыстық-процестік кодекстің 201-бабы 1-бөлігіне сәйкес өзге ақпарат жария етілмейді», – делінген ҰҚК жауабында.

Juzmedia туралы

Juzmedia.kz – қазақстандық ақпараттық-ағартушылық портал. Басылымның ресми сайтында Қазақстандағы қоғамдық-саяси, әлеуметтік және өзге де тақырыптар бойынша материалдар жарияланады.