АҚШ Газадағы соғысқа қатысты Израильге ескерту жасады

АҚШ қару-жарақтың кейбір түрін жеткізуді қазірдің өзінде тоқтатты

Егер Израиль әскері Газа секторының Рафах қаласына жаппай басып кіретін болса, АҚШ Израильге қару-жарақ жеткізуді тоқтатады, деп мәлімдеді Америка президенті Джон Байден. Бұл туралы oimaqnews.kz Euronews-ке сілтеме жасап хабарлайды.

АҚШ президенті Джо Байден Израильге Рафахтағы құрлық шабуылы жалғаса берсе, Вашингтон кейбір қару-жарақ жеткізілімдерін тоқтататынын ескертті. Бұл Газаның оңтүстігіндегі қалаға қоныстанған палестиналық босқындардың өміріне алаңдаушылық білдірген Израиль одақтасының ең маңызды ескертуі.

Сонымен бірге, Байден өзінің мәлімдемесін біршама жұмсартып, Америка Құрама Штаттары «Израильдің қауіпсіздігін қамтамасыз етуді жалғастырады» деп қосты.

Алайда Израильдің БҰҰ-дағы елшісі Гилад Эрдан Байденнің мәлімдемесін «ауыр» және «көңілге тиетін» деп атады.

Сәрсенбіде АҚШ-тың мемлекеттік департаментінің баспасөз хатшысы Мэттью Миллер журналистерге Вашингтонның ұшақ бомбаларын жеткізуді қазірдің өзінде тоқтатқанын айтты.

«Олар әлі толық ауқымды әскери операцияны бастаған жоқ. Рафахтағы ықтимал операцияға қатысты алаңдаушылық әлі де бар. Біз мұны ашық айттық. Бұл туралы Израиль үкіметіне жеке айттық», - деді ол.