Мәжілістің бұрынғы депутаты Бақытжан Базарбек қатысқан жол-көлік оқиғасынан зардап шеккен Нұржігіт 24 күннен кейін комадан шықты. Бұл туралы экс-депутат әлеуметтік желідегі парақшасында мәлімдеді, деп хабарлайды Oimaqnews.kz 

Есін жиған азамат жақындарын, атап айтқанда анасын, жұбайы мен балаларын және туған-туыстарын тани бастаған. Қазіргі уақытта ол Тараз қаласындағы ауруханада ем қабылдап жатыр.

Науқастың денсаулығын анестезиолог және реаниматолог дәрігерлер жіті бақылауда ұстауда, сондай-ақ Денсаулық сақтау министрлігі тарапынан да қажетті қолдау көрсетілуде.

«Дәрігерлер Нұржігітті аяғына тұрғызу үшін бар күшін салуда. Бұқаралық ақпарат құралдарынан ақпаратты бұрмаламай, шынайылыққа сәйкес келмейтін мәлімет таратпауды сұраймын», – деп жазды Бақытжан Базарбек.