Асу Алмабаев чемпиондық титулды жеңіп алды
Қазақстандық UFC файтері Асу Алмабаев бразилиялық джиу-джитсу және грэпплингтен өткен ACBJJ 22 турнирінде бақ сынады. Ол чемпиондық белбеуді иеленді.
Жарыс аясында қазақстандық спортшы чемпиондық атаққа қол жеткізді. Бұл туралы ұйымдастырушылар Instagram-дағы парақшасында мәлімдеді.
All-Stars Title Match жекпе-жегі No-Gi (кимоносыз күрес) ережесі бойынша өтті. Төрешілер бірауыздан шешім қабылдап жеңісті қазақстандықтың пайдасына берді.
Турнир Стамбұлда өтті. Асу Алмабаев 60 келіге дейінгі салмақ дәрежесінде тәжікстандық Халим Назрулоевпен күш сынасты.