"Сол бір «оққағар» бәле болды": Бадықова неге сынға ұшырады?

Елге танымал  актриса Дариға Бадықова өнердегі әріптесі Олжас Абаймен былтыр жаңа жылдық кеште Атыраудағы тойлардың біріне оққағармен барғаны желіде сынға ұшыраған. Ол Tik-tok-тағы стримде осының себебін айтып берді, деп хабарлайды Oimaqnews.kz Qaz365.kz. сілтеме жасап. 

«Сол бір «телохранитель» (оққағар) бәле болды. Біз ол кезде Атырауға коорпоративке барғанбыз. Үлгермей кетті. Бір күнде 8 мейрамханаға тапсырыс түскен. Бізге де ақша түскен. Мамандығың сол ән айтып, би билеу болған соң жүреміз ғой. Бірінші күні ол оққағарларды алған жоқпыз. Нақтысы бермеді. Бұл – халықтың жылына бір көңіл көтеретін мерекесі. Сосын жақсы көретін әртісін ұстап көріп, тартып көреді. Бұл – өздерінің махаббаттары. Мен де өзім ұнатқан адамымды  көргім келеді. Сөйтіп, екінші күні үлгермеген соң, мейрамхананың өзі оққағар берді», - дейді Дариға Бадықова.

Оның айтуынша, түнге қарай адамдар көңіл көтерген соң, мас болады. Сондай сәтте оққағар керек болған. 

«Бұл біздің болдық, толдық дегеніміз емес.  Осы оқиғадан кейін оққағар бәле болып жабысты. Қайсы біріне ақтала бересің. Халықтан қорғанатын дымымыз да жоқ», – дейді актриса.

Айта кетейік, ол бұған дейін өзі түсірген киноның 70 пайызын батыста тұратын отандастарымыз көргенін айтқан еді.