Ер адам мас күйде Қамзин көшесіндегі «Тубдиспансер» аялдамасының маңынан өтіп бара жатқан. Сол жерде құрбысын күтіп тұрған жас қызды байқап, оған қырындаған.

Кейін күдікті павлодарлық бойжеткенді белінен қатты ұстап, бұталардың арасына қарай сүйреп әкеткен. Сол жерде қыз баланың шалбарын шешуге әрекет жасап, қорқытып, телефонын лақтырып жіберген. Дәл осы сәтте құрбысы келіп қалып, оны таппаған соң оған қоңырау шала бастаған.

«Ол қызды әдейі зорламақ болған, өйткені жәбірленуші оған ақша, телефон және не қаласа соны беруге дайын екенін айтқан. Сол кезде қыздың бір құлағында құлаққап болған, ол телефонына әрең жетіп, құрбысының қоңырауына жауап берген. Құрбысы оның қатты дауысын естіп, жанына жүгіріп жетіп, айқайлай бастаған. Осыдан кейін ол қорқып кетіп, қыздың үстінен тұрып, оқиға орнынан қашып кеткен», – делінген сот үкімінде.

Қылмыскер оқиғадан кейін Алматыға қашып кеткенімен, кейін ұсталып, оған зорлауға оқталу бабы бойынша айып тағылды. Сотта ол кінәсін толық мойындады. Нәтижесінде оған 5 жыл бас бостандығынан айыру жазасы тағайындалды.

Сонымен қатар сот оның әрекетін қылмыстың қайталануы деп танып, моральдық шығын ретінде 2 миллион теңге төлеуге міндеттеді.