Иранның Қазақстандағы елшісі Әли Акбар Джоукар Тегеран тарапынан Қазақстан мен Орталық Азия елдеріне ешқандай қауіп жоқ екенін мәлімдеді. Дипломат бұл туралы журналистермен кездесу барысында айтты, деп хабарлайды Oimaqnews.kz Qaz365.kz.сайтына сілтеме жасап.

Елшінің сөзінше, Иран бұл аймақты ықтимал нысана ретінде қарастырмайды және ешқандай тәуекелдер, соның ішінде зымырандық қатерлер төндірмейді. Ол аймақ үшін теориялық қауіп тек Иранның ішкі жағдайы тұрақсызданғанда ғана туындауы мүмкін екенін атап өтті. Мұндай жағдайда Таяу Шығыстан лаңкестік топтардың өтіп кету қаупі туындайды, алайда Иранда тұрақтылық сақталғанша бұған негіз жоқ.

Сонымен қатар, Әли Акбар Джоукар өңірге қатысты геополитикалық болжамдарын бөлісті. Оның пікірінше, егер жақын арада Орталық Азияда жаңа геополитикалық шиеленістер басталса, оның Иранға қатысы болмайды. Дипломат бұл жағдайды тек «үлкен державалар арасындағы бәсеке» ретінде бағалайтынын жеткізді.