Жұлдыз Сүлейменова Иранда 160 мектеп оқушысының қаза табуына қатысты көңіл айтты
Иранда болған қайғылы жағдай бүкіл әлемді алаңдатты.
Алдын ала мәлімет бойынша, 160 мектеп оқушы қыз қаза тапқан. Оқу-ағарту министрі Жұлдыз Сүлейменова көңіл айтып, жазба жариялады, деп хабарлайды Oimaqnews.kz
Жұлдыз Сүлейменова бейбіт күнде білім алып, мектепке барып, болашаққа қадам басуы тиіс болған оқушылардың қазасына қабырғасы қайысқанын айтты.
Жұлдыз Сүлейменова мемлекет басшысының халықаралық мәселелерді әрдайым бейбіт, дипломатиялық жолмен шешу жайлы ұстанымын толық қолдайтынын атап өтті.
Министрдің айтуынша, қандай жағдай болмасын, балалардың өмірі мен қауіпсіздігі бәрінен биік тұруы керек. Қай елде болса да, бейкүнә балалардың тағдыры саясаттың немесе қарулы қақтығыстың құрбанына айналмауға тиіс.