Көпбалалы отбасыларға қанша жәрдемақы төленді?

Биыл жыл басынан бері көпбалалы отбасыларға берілетін мемлекеттік жәрдемақымен орта есеппен 577,4 мың отбасы қамтылды. Жәрдемақының жалпы сомасы 116,6 млрд теңгені құрады, оның ішінде наурыз айында 583,1 мың отбасыға 39,4 млрд теңге мөлшерінде жәрдемақы төленді.

Аталған мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

Төлем мөлшері бала санына қарай есептеліп төленеді.

2024 жылғы жәрдемақы мөлшері мынадай:

4 баласы бар отбасыларға – 16,03 АЕК немесе 59 183 теңге;

5 балаға – 20,04 АЕК немесе 73 988 теңге;

6 балаға – 24,05 АЕК немесе 88 793 теңге;

7 балаға – 28,06 АЕК немесе 103 598 теңге;

8 және одан да көп баласы бар отбасыларға – әр балаға 4 АЕК немесе 14 768 теңге мөлшерінде төленеді.

2024 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 7%-ға артқан.

Сондай-ақ биыл көпбалалы отбасыларға мемлекеттік жәрдемақы төлеуге 474,8 млрд теңге қарастырылған.