Еліміз ауқымды саяси жаңғырудың жаңа кезеңіне қадам басқалы тұр. Алдағы Парламенттік реформа осы өзгерістердің өзегі болатыны анық. Бұл туралы Президент Қызылордада өткен Ұлттық құрылтайдың V отырысында айтты. Сондай-ақ Президент Қызылорда облысы әкімінің жұмысына жоғары баға берді. 

Президент:

«Қазір Қызылорда облысында, әсіресе, әлеуметтік салада жақсы жаңалық көп.

Үш жылда осы аймақта 34 білім беру, 45 мәдениет және спорт нысаны салынды. Бұған қоса, 40 медицина нысаны ашылды.

Менің тапсырмаммен Қызылордада 300 орынға арналған көп бейінді аурухананың құрылысы басталды. Көп ұзамай 500 орындық емхана және 200 орындық перзентхана салынады.

Бір сөзбен айтқанда, Қызылорда облысы барлық салада қарқынды дамуда. Облыстың жағдайы жалпы жақсы деп күмәнсіз айтуға болады. Бұл – әкім Нұрлыбек Нәлібаевтың белсенді, табанды жұмысының нәтижесі».