Әзербайжан Қазақстандағы су тасқынына байланысты мәлімдеме жасады
Әзербайжан сыртқы істер министрлігі Х әлеуметтік желісінде арнайы жазба жариялап, Қазақстанға көңілқостық білдірді.
«Біз бауырлас Қазақстандағы алапат су тасқынына байланысты ақпараттарды күйзелісіпен қабылдадық.
Апаттан зардап шеккен отбасылар мен жақын-жуығынан айырылған азаматтарға көңіл айтамыз. Бауырлас Қазақстан халқы және үкіметіне тілеулестігімізді білдіреміз»,-делінген мәлімдемеде.
Естеріңізге салсақ, еліміздегі тасқынның салдарынан 3,6 мың үй су астында қалып, 72 мыңнан астам адам эвакуацияланды. Олардың 16 мыңнан астамы бала. Қазақстанның 10 өңірінде төтенше жағдай режиімі жарияланды.