Қазгидромет су тасқынына байланысты мәліметтерді жариялады
Оңтүстік, оңтүстік батыс жауын-шашынсыз
Орталық коммуникациялар алаңында Қазгидромет өкілі су тасқынына байланысты мәліметтерді жариялады.
«Қазгидромет» РМК баспасөз хатшысы Алина Смагұлова Қазақстан аумағының басым бөлігінде ауа райының тұрақсыз сипаты сақталатынын атап өтеді.
– Қазақстанның солтүстік батысында, солтүстікте, орталықта күндіз жауын-шашын, түнде жаңбыр жауады. Қатты жаңбыр орталықта, күндіз елдің солтүстігінде болады деп болжануда. Тек оңтүстікте, оңтүстік батыста жауын-шашынсыз. Сонымен бірге Ақмола және Ақтөбе облысында дауылдан ескерту беріледі. Ақтөбе облысында 7-10 сәуір аралығында су деңгейі көтеріледі деген болжам бар, – дейді ол.