Грузияда қазақстандық трансгендер әйел Томирис Құсайынова қайтыс болды деп хабарлайды Oimaqnews.kz  sportinside.kz сайтына сілтеме жасап.

Оның өлімінің нақты себебі әзірге жарияланған жоқ.

Марқұмның туыстары мен достары Томиристің денесін Қазақстанға әкелу үшін қаражат жинауды бастады. Бұл ақпаратты ЛГБТ құқықтарын қорғаумен айналысатын халықаралық Medea ұйымы растады.

Ұйым Томиристі Тбилисидегі квир-қауымдастықтың “ең жарқын әрі ең танымал өкілдерінің бірі” деп сипаттады.

«Томирис адамдарды бір-бірімен байланыстыра алатын, түрлі қауымдастықтар арасындағы көпір бола білген ерекше тұлға еді. Оның энергиясы грузин және қазақстандық квир-қауым өкілдерінің арасындағы байланыстарды нығайтуға үлкен ықпал етті», – делінген ұйым мәлімдемесінде.

Сонымен қатар Medea ұйымы Грузия мен Қазақстанда трансгендер адамдарға қатысты кемсітушілік, құқықтарының шектелуі және қауіпсіздік мәселелері әлі де өзекті екенін атап өтті.

«Көптеген трансгендер адамдар қауіпсіздік үшін елден кетуге мәжбүр. Бірақ жаңа ортада да олар зорлық-зомбылыққа, кемсітуге және миграциялық жүйелердің немқұрайлы әрекеттеріне тап болып жатады», – деп хабарлады ұйым.