Атыраулық блогерді зиратқа апарып, ұрып соққан
Аталған факті бойынша қылмыстық іс қозғалды.
Instagram желісінде 13 мың жазылушысы бар атыраулық блогер Құралай Болатова соққыға жығылды, деп хабарлайды Oimaqnews.kz turkystan.kz.сайтына с3лтеме жасап7
Оған Стамбулға баратын турдың жарнамасын ұсынған. Құралайдың өзі де ұйымдастырушыға тур үшін 100 мың теңге алдын ала төлем аударған. Бұл ұсыныс туралы stories жариялағаннан кейін оған басқа жазылушылары да хабарласып, ақша жіберген. Алайда тур жүзеге аспаған, ал Болатова ақшаны қайтаруды талап еткенде, оған қоқан-лоққы жасалған.
3 қазан кешкісін турды ұйымдастырушы мен оның құрбысы Құралайды аңдып, «сөйлесейік» деген сылтаумен қала сыртындағы зиратқа апарып, ұрып-соғып, қорлаған.
Облыстық полиция департаментінің баспасөз қызметі 4 қазанда Атырау қаласының 25 жастағы тұрғыны таныстарынан таяқ жегенін айтып, полицияға жүгінгенін мәлімдеді.
Істің тергелуі облыстық полиция басшылығының жеке бақылауында.