Әлем чемпиондарына 100 мың доллар сыйақы беріледі
Бұл туралы Қазақстан бокс федерациясының президенті Шахмұрат Мүтәліп айтты.
Ливерпульде өткен бокстан әлем чемпионатында жүлделі орын алған боксшылар мен бапкерлерге Қазақстан бокс федерациясы қомақты сыйақы береді.
Бұл туралы «Ашық алаң» бағдарламасында Қазақстан бокс федерациясының президенті Шахмұрат Мүтәліп айтты.
«Әлем чемпионатында жүлдеге іліккен спортшыларға мемлекет тарапынан сыйақы қарастырылған. Федерация тарапынан спортшы мен бапкеріне І орынға 100 мың доллар, ІІ орынға 50 мың доллар, ІІІ орынға 30 мың доллар беріледі. Ал бас бапкерлерге қосымша 100 мың доллар қарастырылған», - дейді Шахмұрат Мүтәліп.