"Енді жазуға тура келіп тұр": адвокат Ләззат Ахатова Әнару Құрманәлі ісіне қатысты мәлімдеме жасады

Адвокат Ләззат Ахатова қоғамда резонанс тудырған Әнару Құрманәлі ісіне байланысты мәлімдеме жасады, деп хабарлайды Oimaqnews.kz turkystan.kz.сайтына сілтеме жасап. 

Ол композитор Қалдыбек Құрманәлі мен оның қызы Әнарумен болған жағдайға қатысты барлық шындықты жария етті.

Осы уақытқа дейін ол қыз туралы шындықты көріп-білсем де, қыз абыройы мен ары нәзік нәрсе ғой деп, жақ ашпадым..Адвокаттық құпияны да сақтау керек болды. Ал енді мәселе өзіме келгенде, өз арым мен абыройыма нұқсан келсе, адвокаттық құпияны бұзғаным үшін жауап бермеймін. Бір жағы екінші тараптың да кінәсі болғасын, отбасылы еркектің әйелінің үстінен басқа қыздармен ойнастық жасағанын (қатты кетсем, айып етпессіздер, қазақтың сөзі ғой) ешқашан құптамағандықтан, ол жігіт істеген ісіне тым болмаса, ұялар  деген үміт болды.

Қалдыбек ағамыз да қызының сырын білгесін, «ел алдындағы абыройым айрандай болмас үшін жігіт кешірім сұраса, мен тоқтатам деп өзім айтам ел алдында» деді. Бүкіл туған-туысы, әкесі, бауырлары теріс айналған  науқас қыздың  ісіне араласқаныма талай мәрте өкіндім..Бірақ мақсат – бастаған істі аяқтау, елге жария болған қыз абыройын жабу болды», – деді ол.

Адвокат бәрі қалай басталғанын ашып айтып берді.

Сол күні түнде маған белгісіз нөмірден бір смс хабарлама түсіпті. Қыздың әкесі Қалдыбек ағамыз жазыпты. Нөмірімді  Айгүл Елшібаевадан алыпты. Мен ол жазған хатын тауып алуға тырысам. Хатта кешегі сұқбат берген қыздың  оралдық ақын әйелден туған қызы екенін, қыздың анасымен азаматтық некеде тұрғанын, бір ұл, бір қызы барын айтыпты. Ата-ана ретінде кім болса да, бұндай жағдайда түсіністікпен қарап, жұбату сөз айтады. Мен де солай жасадым. Мессенжерге Әнарудың өзі шығып, қолдағаныма алғыс айтыпты. Сонымен әңгіме тәмам болған. Ертесі қыздың әкесі тағы жазды. Гонорарың қанша болады, сені адвокат етіп алсақ деп. Мен бірден бас тарттым. Адвокатты  сол жақтан, Алматыдан тапқаныңыз жөн дедім. Сол күйі бас тартуым керек екен..Біреуді түсіну, біреуге жан ашу құртады ғой, бізді. Екі ортада Әнарудан мессенжерде тергеудің қалай болғанын сұрап, анасы жоқ жетім қыз ғой, әкесінің бөлек отбасы бар, жалғыз ғой деп, жаным ашып, құқықтық кеңестер бердім. Қорғаушысы болмай тұрып.

Содан Қалдыбек аға тағы шықты. Ақшам жоқ, жағдайым нашар деген әңгіме айта бастады. Мен гонорар туралы сөз де қозғамай жатып. Сосын мен “аға, мен онсыз да қазақтың қиындыққа түскен қыздарын қолдаймын. Тиыныңсызсыз да, қызыңыз екенін білмей -ақ, танымасам да, қызыңызды қолдадым. Ары қарай да қолдаймын, бір тиыныңыздың керегі жоқ" дедім», - дейді заңгер.

Ләззат Ахатова «1 млн теңге гонорар бердік» деген Әнарудың жаласы туралы да сөз етті.

Бұл уәждер бір жағы сотқа да керек. Қағаз жазуға мұрша болмай жүр еді. Амал жоқ, екі сотқа арыз жазғалы жатырмын. Клеветамен, сосын ар-намыс, абыройды қорғау бабымен. Әкесі екеуінен 10 млн теңге моральдық шығын өндірем. Адамның ар-абыроймен, көңілімен, жүйкесімен ойнағанның қандай болатынын көрсін. Ақыры олардың қалтасынан көк тиын төленген жоқ. Әкесі өзінен-өзі ақшам жоқ, аурумын деп “жылап” кеткенінен ыңғайсызданып, тегін қорғаймын дегенге Нұрлан аға менен ыңғайсызданып кетсе керек, сол кісі салған, ол соманы. Мен пәлен-түген деп, ешқандай сома айтқан жоқпын. Қылмыстық істер негізі 3-5 млн-ның аралығы. Қатты көп беріп қойды деп, іштері ашып жатса, басқа астаналық, алматылық адвокаттардан сұрасын. Бұлай әкесі мен қызы қосылып, жүйкемді тоздыратынын білгенде, гонорарым кемі 5 млн деуім керек еді. Сол күйі жоламай, құрып кететін. Мен де бәледен аулақ болар едім.

Комментарийге қолымдағы бар скриндерді салайын. Сосын қалғанын тауып, постты ары қарай жалғастырам. Серийный постар кететін болды-ау.. Бұл қыздың шын болмысын ашып көрсетіп берейін, елге. Қанша ренжісем де,  арын ойлап, қыз бала ғой деп, соңына дейін позициямда тұрып, зорланған деп, Жанқошты кінәлап, жазғанымды өздеріңіз де білесіздер. Ал енді шындықты жазайын», - деді Л. Ахатова.

Толық нұсқасына гиперсілтеме беруді ұмытпаңыз: https://turkystan.kz/article/266411-akesi-ekeuinen-10-mln-moraldyq-sygyn-ondirem-lazzat-axatova-anaru-qurmanalige-qatysty-syndyqty-aitty