"Тұмар" сыйлығына өтінімдер қабылдау уақыты ұзарды
Ұлттық телевизиялық сыйлыққа өтінімдер 15 маусымға дейін қабылданады.
«Тұмар» – 2025 ұлттық телевизиялық сыйлығына өтінім қабылдау уақыты 15 маусымға дейін ұзартылды, – деп хабарлайды Oimaqnews.kz Мәдениет және ақпарат министрлігіне сілтеме жасап.
Биылғы бәйгеге 2024 жылғы 13 мамыр мен 2025 жылғы 14 мамыр аралығында қазақстандық телеарналардың эфирінде көрсетілген жобалар қатыса алады. Өтінімдерді республикалық және өңірлік телеарналар, телестудиялар мен кәсіби телевизиялық контент өндіруші компаниялар ұсынуға құқылы.
Өтінімдер келесі номинациялар бойынша қабылданады:
- Ең үздік әлеуметтік тележоба
- Жылдың ең үздік репортажы
- Ең үздік ақпараттық-талдамалық бағдарлама
- Ең үздік журналистік зерттеу
- Жылдың ең үздік телехикаясы
- Ең үздік деректі фильм
- Ең үздік балалар тележобасы
- Ең үздік өңірлік телеарна
- Ең үздік тележурналист
- Ең үздік тележүргізуші
- Ең үздік спорттық комментатор
Өтінімдер ұлттық телевизиялық сыйлықтың ресми сайтына беріледі.