"Қателігімсің": Балжан Бидаштың жаңа әні жарыққа шығады

Елге танымал әнші Балжан Бидаш "Қателігімсің" атты жаңа әнінің бейнебаянынан үзінді ұсынды. Ол туралы әнші  Instagram парақшасында жариялаған. Әнші ерекше туындысын 4 сәуір күні жарыққа шығармақ.

Өнерден алыстап кеткен Балжан Бидаш жақында жаңа әнін жарыққа шығаратынын хабарлап, тыңдармандарын қуантып тастады. Instagram парақшасында: "Достар, міне көптен күткен жаңа бейнебаян, жаңа әннің тизері. 4 сәуір менің Youtube каналыма шығады", - деп жазды әнші.

Желі қолданушылары арасында Балжан Бидаштың жаңа туындысы бірден қызу талқыға түсті.  Көпшілік некесі сәтсіз аяқталған арудың таланты мен қайсарлығына тәнті болды.