Шри-Ланкададағы 12 алтын

Шри-Ланкада өтіп жатқан бокстан 22 жасқа дейінгі жастар арасындағы Азия чемпионатында Қазақстанның қыздар құрамасы айрықша жетістікке қол жеткізді, деп хабарлайды Oimaqnews.kz  BAQ.KZ сайтына сілтеме жасап.

Жанкелді Ахметов баптайтын ұлттық құрама финалға шыққан 12 спортшының барлығын жеңіске жеткізіп, барлық салмақта алтын медаль иеленді.

Бұл біріншілікке Азия құрлығының 21 елінен құрамалар қатысты. Қазақстан, Ауғанстан, Аустралия, Бангладеш, Бутан, Камбоджа, Үндістан, Ирак, Қырғызстан, Сауд Арабиясы, Кувейт, Малайзия, Моңғолия, Палестина, Солтүстік Корея, Шри-Ланка, Сирия, Таиланд, Тәжікстан, Біріккен Араб Әмірліктері және Вьетнам сынды елдер 12 салмақ дәрежесі бойынша жүлдені сарапқа салды.

Қазақстан құрамасының чемпион атанған боксшы қыздары:

48 кг – Айым Танкибаева;

50 кг – Сила Биболсынқызы;

52 кг – Рахмина Абдумежитова;

54 кг – Жанель Имантаева;

57 кг – Ақнұр Тұрсынғали;

60 кг – Толғанай Қасымхан;

63 кг – Алина Құдайгенова;

66 кг – Ақбота Есімбекова;

70 кг – Мария Сидоренко;

75 кг – Зарина Толыбай;

81 кг – Құралай Егінбайқызы;

+81 кг – Сабина Жақсылық.