бейсенбі, 8 мамыр, 2025 13:27

Қазақстан және шетел ақпаратын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.

Байланыс

Елдік пен ерлікті дәріптейтін мереке – Мәулен Әшімбаев

Елдік пен ерлікті дәріптейтін мереке –  Мәулен Әшімбаев
kaz.inform.kz
Парламент Сенатының Төрағасы Мәулен Әшімбаев қазақстандықтарды 7 мамыр – Отан қорғаушылар күнімен құттықтады.

– Құрметті достар! Баршаңызды Отан қорғаушы күнімен шын жүректен құттықтаймын!

Бұл – елдік пен ерлікті дәріптейтін және баршамызды патриотизм рухымен жігерлендіретін қастерлі мереке.

«Отан қорғау – ер еншісі» дейді. Кең байтақ жеріміздің қауіпсіздігі мен егемен еліміздің тыныштығын күзеткен ерлеріміз қашан да осы жауапкершіліктің үдесінен шығып келеді.

Шын мәнінде, Мемлекет басшысы Қасым-Жомарт Кемелұлы Тоқаев атап өткендей, біздің бүгінгі әскеріміз – батыр бабаларымыздың лайықты ізбасары.

Қуатты армиямыз – Тәуелсіз Қазақстанның берік қалқаны және мызғымас мемлекеттіліктің мығым тірегі. Алдағы уақытта да қорғанысымыз күшейіп, әскеріміздің айбыны асқақтай берсін!

Отаншылдық сезімді арттыра түсетін мерекемен құттықтай отырып, баршаңызға бақ-береке тілеймін! Еліміздің іргесі әрдайым берік болсын!, – деп жазды Facebook-тағы парақшасында Сенат Төрағасы.

Оймақ
Автор

Оймақ

Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.

Ұқсас жаңалықтар