«Жаңа адамдар» Қостанайда алты жылдан бері жөнделіп бітпеген балалар ауруханасы үшін күресіп жатыр

Қостанайдағы балалар ауруханасы алты жылдан бері жабық тұр. 2,7 миллиард теңге бөлінген ауруханаға  жөндеу жұмыстары жүзеге асырылмаған. "Жаңа адамдардың" «Халық Қаһары» азаматтық науқаны белсенділері миллиардтаған теңге із-түссіз жоғалмауы керек екенін және мәселе ұмытылмауға тиіс екенін еске салу үшін қалаға қайта оралды.
Бұл оқиға 2019 жылы облыстық балалар ауруханасы күрделі жөндеуге жабылған кезде басталды. Бастапқыда жобаға 1,2 миллиард теңге бөлінген, кейін тағы 1,5 миллиард теңге қосымша бөлінді. Алайда алты жыл өтсе де, ғимарат жөнделмеген күйінде тұр. Ата-аналар балаларын емдету үшін басқа аудандардан медициналық көмек іздеуге мәжбүр.
Бастапқы кезден-ақ жөндеу жұмыстарына облыстық денсаулық сақтау басқармасының басшысы Данияр Джандаев жауапты болған. 2023 жылы «Халық Қаһары» белсенділері Джандаевқа әрекетсіздігі үшін халықтық антижүлдені — «қара таңбаны» табыстаған болатын. Сол кезде шенеунік кінәсін мойындамай, әлеуметтік желілерде жанжал шығарды. Бүгін белсенділер басқарма ғимаратының алдына үш метрлік «Халық Қаһары» стеласын орнатып, жауапкершіліктен қашып құтылу мүмкін емес екенін және міндеттемелер орындалуы тиіс екенін еске салды.
«Халық Қаһары» азаматтық науқанының жетекшісі Алихан Сарсенов: «Біз – жылы кабинеттерден даусын естімейтіндердің атынан сөйлейміз. Халықтың қаһарының символы ретінде үш метрлік стела орнатып, Қостанай облысының денсаулық сақтау басқармасына нақты сұрақ қойдық: «Аурухана қайда?» Бұл – балалар мен қоғам алдындағы борышты еске салу. Біз денсаулық сақтау басқармасы тиісті шаралар қабылдап, аурухананың жөндеуін соңына дейін жеткізеді деп сенгіміз келеді».

Ауруханалар емдеуі керек, жөндеуді күтіп бос тұрмауға тиіс. «Халық Қаһары» азаматтық науқаны әділет үшін күресті жалғастырып, медициналық мекеменің Қостанай тұрғындарына қайтадан қызмет көрсетуіне қол жеткізеді.