Астанада жылыту маусымы аяқталды
Бұл туралы елорда әкімдігі баспасөз қызметі мәлімдеді
Астанада ауа райының жылынуына байланысты жылыту маусымы аяқталды, - деп хабарлайды Oimaqnews.kz елорда әкімдігіне сілтеме жасап.
Астана қаласы мәслихатының шешімімен бекітілген жылыту маусымына дайындық және оны өткізу қағидаларына сәйкес, сыртқы ауа температурасы бес күн қатарынан тәулігіне орташа +10°C және одан жоғары деңгейде тұрақты сақталған жағдайда, жылыту маусымын аяқтау туралы шешімді қала әкімдігі қабылдайды. Ауа райының қолайлы жағдайына байланысты және қолданыстағы нормативтерге сәйкес, Астана қаласы әкімдігі 2025 жылғы 21 сәуірде жылыту маусымын аяқтау туралы шешім қабылдады, - делінген хабарламада.