Азамат Есқараев жаңа қызметке тағайындалды
Бұл туралы Ақорданың баспасөз қызметі хабарлады.
Бұрынғы Әділет министрі Азамат Есқараев Қазақстанның Үндістандағы елшісі қызметіне тағайындалды.
Тиісті Жарлыққа Президент Қасым-Жомарт Тоқаев қол қойды.
«Азамат Несіпбайұлы Есқараев Қазақстан Республикасының Үндістан Республикасындағы Төтенше және Өкілетті Елшісі лауазымына тағайындалды», - делінген Жарлықта.
Естеріңізге салайық, Азамат Есқараев екі жыл бойы Әділет министрлігін басқарған. Осы жылдың басында Есқараевтың орнына Әділет министрі болып Ерлан Сәрсембаев тағайындалды.