Биыл ауылдарда мамандарды баспанамен қамтамасыз етуге 25 млрд теңге қарастырылған. Бұл туралы елордада Сенат жанындағы мәслихаттармен өзара іс-қимыл жөніндегі кеңестің отырысында Премьер-Министрдің орынбасары Ермек Көшербаев мәлім етті.
- Ауылды елді мекендерде 7,5 млн адам тұрып жатыр, бұл халықтың 37 пайызы шамасында. Ауылдарда денсаулық сақтау саласын және жайлы мектептерді жаңғыртудың ұлттық жобалары аясында заманауи медициналық нысандар мен мектептер салынып, заманауи құрал-жабдықтар орнатылып отыр. Сондай-ақ, бюджет есебінен жаңа спорт нысандары, мәдениет үйлері, сауықтыру орталықтары салынып, жол жөндеу жұмыстары атқарылып жатыр, - деді Е. Көшербаев.

Оның айтуынша, «Ауыл — ел бесігі» бағдарламасы аясында 1 мың жобаны жүзеге асыруға 500-ден астам ауылға 176 млрд теңге қарастырылған.

- «Дипломмен ауылға» жобасы бойынша 2024 жылдың 1 қаңтарынан бастап бюджеттік несиенің мөлшері 1500-ден 2500 АЕК-ке дейін өсті, яғни 5,4 млн теңгеден 9,2 млн теңгеге дейін. Биыл 2800-ге жуық маманды баспанамен қамтамасыз ету бағытында жобаға 25 млрд теңге қарастырылған. Сонымен қатар, биыл 6 моноқала және 17 шағын қалада 42 жобаны жүзеге асыруға 12 млрд теңге қарастырылған. Үкімет өңірлік инфрақұрылымдық жобаларды қаржыландыруды жалғастырады, - деп нақтылада вице-премьер.