Бүгін, 4 сәуірде Оңтүстік Кореяның Конституциялық соты президент Юн Сок Ёльға импичмент жариялау ісі бойынша шешім шығарды, деп хабарлайды Yonhap. 
Сот парламенттің мемлекет басшысына импичмент жариялау туралы шешімін бірауыздан қолдады. Осылайша, Юн Сок Ёль ақыры қызметінен босатылды. Елде 60 күн ішінде кезектен тыс президент сайлауы өтуі тиіс.

Соттың мәліметінше, Юн Сок Ёль өзі енгізген әскери жағдайдың жойылуына жол бермеу үшін Ұлттық жиналыс ғимаратына әскер жіберіп, заңды бұзған.

Шешім парламент президентті оның 3 желтоқсанда әскери жағдай енгізуіне байланысты ел Конституциясы мен заңды бұзды деп айыптап, импичмент жариялаған соң төрт айдай уақыттан кейін қабылданды.

Іс қаралып жатқан кезде Сеулде және елдің басқа аймақтарында жаппай наразылықтар өтті. Қоғам екіге жарылды: біреулер президенттің отставкаға кетуін талап етсе, басқалары оның қызметіне қайта оралуын жақтады.